誰能禁止 -- 曾昭瑞 牧師

寫作於2004.08.08
作　　者: 曾昭瑞牧師

　 在教會的發展上，常常需要回應時代的需要，教會那無進步，就無法度來回應這社會的需要。在過去的歷史中間，教會也常常陷在社會性結構的罪惡中間。在這種結構中間，教會也犯了真多錯誤。用今那日的眼光來看，這種錯誤是非常的明顯，但是佇當時的社會，這一切攏是正當、正義，甚至是不能被人挑戰的。親像教會一開始的時，將外邦人看作是無清氣的，外邦人就親像是狗一樣，是在上帝恩典的門以外。在歷史的中間，教會也曾將男性看作是高等的，將女性看作是次一等的，教會內面，曾經對女性充滿歧視。甚至在一百多年前，在歐美的教會認為白人才會通得到上帝的恩典，他認為黑人並不是人，所無法度得到上帝的恩典。從歷史中間來看，教會常常也陷佇一種結構性的罪惡中間，這種結構性的罪惡之所以會打破，常常來自上帝直接的啟示。　

今那日咱所讀的這段聖經，就是記載著彼得怎樣勇敢來回應種族與宗教的歧視。這段聖經對咱講到有一個外邦人名叫哥尼流，他是一個百夫長，相當今那日軍營中間的連長，聖經講他是一個敬虔的人，也是一個模範父親，因為這位爸爸的敬虔，使得他的全家攏敬畏上帝。可見這位父親在家庭的宗教事物頂面，他是負起屬靈的領導角色，他不是將信仰的代誌交呼媽媽去處理，反倒轉，他在家庭中，發揮他的影響力，使得他的家庭成作一個敬畏上帝的家庭。他的敬虔表現在兩個方面，第一、他多多賙濟百姓，表明他是一個愛別人的。第二、他常常禱告，表現他是愛上帝的人。這就是耶穌所講的「愛主你的上帝，又要愛鄰舍如同自己。」雖然他是一位這呢敬虔的人，但是用猶太人的標準來看，他只是一個站佇上帝拯救門口的外邦人，因為他不是亞伯拉罕的後代，也不曾受過割禮，歸化作猶太人。所以這種人雖然敬虔，但是仍然在上帝拯救的大門以外。他完完全全是一個外邦人。　

因為在以色人有一個揀選的教義，就是將上帝看作一個偏心的上帝，祂只揀選以色人，使得以色列人心中充滿了民族驕傲及怨恨，姻仇視外邦人，將姻看作狗，地獄的木材，通好來燒。姻發展一套傳統，來拒絕外邦人，用正統的猶太人眼光來看：無論你怎樣敬畏上帝，只要無變做一個猶太人，就無法度受邀請入到猶太人的厝，也無人會與你相與坐桌，任何猶太人與外邦人的社交活動，攏是無受到允準的。

如果這種的偏見那無消除，外邦人就無法度受接納進入教會的團體，猶太人那高高在上，耶穌基督的福音，就猶原還未臨到地上。當這種偏見消除，教會才會成做一個多種族、多文化的信仰團體。

（一）從上帝而來的異象

上帝知道這個問題，所以祂親自用異象，來打破這種的界線。而且趣味的是這個異象先臨到外邦人哥尼流的身上，他也馬上的順服上帝。總是另外一個異象臨到於彼得的身上時，彼得的反應卻是懷疑，吃驚、不敢相信。因為所顯明給他的異象，是各種四足的走獸與昆蟲，並天頂的飛鳥，照利未記十一章有清楚的記載，什麼是清氣的動物會通吃，什麼是無清氣的動物，不通吃、不通摸，要看作厭惡的。彼得自小就守這些誡命，所以當他看到這個異象，聽到上帝講：「徒得，起來，宰來吃」。這個命令真簡單，真直接。總是彼得的反應是得驚，不敢想信。「主啊。這是不可的」從他的口氣來看，他好親像講，「上帝啊，你搞錯了，這種俗物與無清氣物件，我從來不曾吃過」。

真多外國人看到台灣人佇吃臭豆腐覺得很恐怖，真多人不敢吃榴槤。用彼得的眼光來看這就親像有人吃佇蜘蛛、吃蟑螂一樣的恐怖。

（二）從上帝而來的吩咐

面對彼得的疑問，上帝直接回答「上帝所潔淨的，你不可當作俗物」。這句話對彼得來講是一個真大的挑戰。以色列人將這些物件看作無清氣，是因為聖經有記載，但是這個時準，上帝竟然又講「這是上帝所清氣的」對彼得來講，這是他自小漢以來所深深相信的代誌，這是上帝記佇聖經的命令，是歷世歷代所持守嚴嚴的誡命，如果這些物件會通拿來吃，安呢好幾千年來，以色列人對清氣、無清氣的概念就會完全受到打破。彼得會有這種的猶疑是正常的。

到這個時，彼得完全不知道，這些不清氣的吃物，只是一個預表，為著欲表明上帝國度的普世性。　

當彼得正在猜疑的時，哥尼流所差來的人已經來到，上帝透過他巧妙的安排欲向他顯明自己的心意。當人客來到門口時，聖神就指示彼得，要彼得不通疑問，因為這是上帝所差來的人。從這個事件來看有一件代誌值得咱來注意，就是當哥尼流所差來的人表明姻的身份與目的的時，彼得就請姻入厝內住，這是一件特別的事，因為猶太人無隨便與外邦人作伙，何況留姻下來住。　

當彼得與約帕的幾個兄弟去到哥尼流的厝內時，咱看見哥尼流已經迫請好他的親朋好欲來聽彼得傳講道理，當彼得一入門時，他就俯伏佇彼得的腳前。彼得馬上對他講。「你起來，我也是人」，咱對哥尼流身上看見他屬靈的謙卑，也從彼得身上看出他無靈性的驕傲。雖然前穌曾對他講：「天國的鎖匙欲交給你，凡那你佇地上所釋放的，在天上也要釋放，在地上所綑綁的，在天上也要綑綁」權力這呢大的彼得，猶原是人，不是神明。咱從彼得的身上看出他一種正確的態度，一方面他拒絕被哥尼流看作神，另外一方面，他也拒絕將哥尼流看作一條狗。

彼得講：「上帝已經指示我，無論甚麼人攏不可看作俗而不清氣的。」其實上帝並無明白對彼得安呢講這句話。上帝是講什麼吃物攏不可看作無清氣的，總是彼得體貼上帝的心意，他明白他所看見的異象，不只是一個有關食物的異象，而是有關普世人攏是上帝所欲拯救的預表。

（三）從上帝而來的預備　

因為上帝一方面啟示哥尼流，一方面啟示彼得，為著就是欲讓外邦人也會通接受到福音。彼得在這點有相當的領悟，他馬上對食物的異象中，明白了上帝在這個時所欲做的事，所以他不是採取拒絕外人的態度，而且當他聽見哥尼流的見證時，他就大膽並正確的推論出上帝的確欲來拯外邦人。所以彼得向姻來傳講耶穌基督，當彼得講到被釘十字架，從死復活的耶穌時，奇妙的事就發生了，聖神臨佇一切聽道理的人身上那些受割禮，與彼得同齊來的猶太人看見聖神的恩賜臨到外邦人，他攏講方言，稱讚上帝的大能，就感覺希奇。彼得講：「諸已經受著神神，親像咱一樣，是誰會禁得用水給姻行洗禮啊？」所以彼得就給姻行洗禮。咱欲看見。

（四）從上帝而來的行動　

上帝親自用祂的行動來證明，祂的神欲降臨佇每一個敬畏、相信的人身上，不論他是猶太人、撒瑪利亞人或是外邦人。因為上帝無偏待人。上帝用聖神充看來表明他的心意，所以彼得勇敢來為姻洗禮。彼得無要求哥尼流先要受割禮，先要成作猶太人，他相信：「沒有任何障礙會通阻止人來得到基督的救贖。」因為上帝已經接受了這些外邦信徒，上帝的教會怎樣無來接納姻。咱看見這件代誌從頭到尾，彼得攏不是一個主動者，一切的代誌攏佇上帝的掌握之中。彼得只是照著上帝心意來行的人。

（五）誰能禁止

但是代誌並是到哥尼流洗禮了後，大家歡歡喜喜回去就結束了。當彼得為外邦人洗禮的消息傳到耶路撒冷的時，問題就發生了。這是一件嚴重的代誌，是摩西的律法，以色列人的傳統，民族優越感的問題。上帝的恩典怎樣會臨到外邦狗？上帝不是只有揀選以色列人嗎？不是只有以色得人才會通得到救嗎？聖經講受割禮的門徒與他「爭辯」，這些人不是問講你怎樣向外邦人行洗禮，而是講：「你曾入去就近無受割禮的人及姻相及食？」連「就近」「與姻相及食」這款代誌就無被允准，怎樣會通向姻行洗禮。真明顯的是這些人拿當時的教會法規欲來質問彼得，彼得你怎樣會通違反律法的規定啊！面對這些人的質詢，彼得不是與姻討論律法的規定是什麼？也不是發表他對律法的見解是什麼。他是來講見證，來講起一個實況，一個真實發生的事件。面對壓力，彼得選擇站佇歷史正確的一方，他不怕人講他違背律法，他不怕被定罪。他是勇敢來告白他所經歷到的事，也勇敢來承擔這一切。

如果害怕，如果那個時準，面對耶路撒冷受割禮的門徒的壓力，面對傳統律法的了解，彼得是需要被釘罪的，真有可能他會失去教會領袖的罪名。但是彼得他體貼上帝的心意，贏過遵守律法。佇他勇敢見證的路尾他安呢講：「今上帝既然用此個恩賜互姻，親像佇咱信主耶穌基督的時所互咱的一樣；我是是誰，會阻擋上帝啊？」聖經記載講：「許個人聽這話，就靜靜，亦歸榮光上帝，講：『按呢生，是上帝亦互外邦人反悔，來得著活命』」。咱欲講彼得是勇敢的，耶路撒冷的教會也是謙卑的，姻順服上帝的旨意，聽見上帝所做的，雖然與姻所想的，所了解的不同，但是姻不是選擇對立，而是順服上帝。

咱這段聖經咱有幾件事會通來學習：

（第一）教會的合一

上帝佇人的中間無作區別，無論是猶太人、外邦人，攏是上帝所疼的人，上帝無區別人，咱也無權力安呢來做。

雖然對於律法的見解無同，但是耶路撒冷的教會無因為這件代誌來分裂，姻聽見了彼得的見證，停止定罪、停止爭辯、停止批評，反倒轉歸榮光給上帝。這款的教會才是一個向外傳福音的教會。

（第二）聖神的恩賜

路加佇記載哥尼流受洗禮的過程中間，特別重視聖神佇整件代誌頂面所扮演的角色，如果咱今那日，若是看輕或是無去注意到，聖神今那日猶原欲佇咱的教會作工，只是欲用人的方法來解決教會的問題，這是一種無信仰的態度。只要咱的教會是一個認真傳福音的教會，是一個為主得到靈魂的教會，咱就欲看見聖神的作為欲常常出現佇咱的教會。神蹟之所以發生，不是為著證明咱有信心，乃是為著使更加多的人來認識耶穌基督。

（第三）順服聖神的作工

無論是彼得、是哥尼流，姻那無順服聖神所作的工，那只是照他所了解的傳統、律法，一定馬上會認為向外邦人傳福音，邀請猶太人到外邦人厝內坐桌是無可能的代誌，這種事不免想，是無可能，也是違反律法與傳統的事。那安呢，今那日咱所看的這段聖經就無可能來發生。總是姻是代先放棄自己的偏見，學習順服上帝。那些受割禮的基督徒從原本生氣反對的態度，也變成順服的態度，因為教會的合一也造成教會更加大的進步。這讓咱思想，咱的教會也是安呢，當咱學習凡事禱告，依靠上帝的帶領，就會更加明白上帝的旨意，教會越合一，才會成為萬民的祝福。